Hér er dæmi um einfalda leið til að koma sér upp úðunargræjum. Efnunum er blandað í 1000 lítra sýrutank. Rafmagnsdæla sem er tengd í rafgeymir, sér um að halda hringrás á efnunum svo að engin efni falli út (þetta er afskaplega mikilvægt). Slangan sem sér um hringrásina er notuð til að dæla beint í tankinn á úðaranum þegar það þarf að bæta á.
Ég trúi því nokkuð staðfastleg að iðnbyltingin hafi ekki verið orsök leti, heldur var verið að hagræða og hámarka afköst. Til þess að auka afköstinn þurfti að fjárfesta, sem til lengri tíma sparaði pening. Mér finnst menn ansi oft fara fram hjá þessari skemmtilegu staðreynd í okkar bransa.
Í vetur ákvað ég að kaupa sköfu sem fer aftan á götunarvélina okkar. Núna þegar ég tappagata, þá dregur skafan tappana alveg út í enda og skilur eftir snyrtilega hrúgu sem síðan er mokuð í burtu. Við þurfum því ekki lengur að skafa flatirnar með snjósköfum eins og tíðkaðist; bara moka töppunum í burtu og blása svo yfir með blásurum.
Í gær var frumraun sköfunar góðu. Flatirnar á Húsatóftavelli voru tappagataðar með 10 mm teinum (betur þekktir sem 1/2" teinar). Í stað þess að vera með her manna til að skafa upp flatirnar, þá voru við bara 3 (einn á vélinni og tveir að moka upp og blása). Aðgerðin tók 36 vinnustundir. Í fyrra þegar sama aðgerð var framkvæmd, tók það okkur 88 vinnustundir að gera nákvæmlega það sama! Við spöruðum okkur því 52 vinnustundir með því að fjárfesta í þessari sköfu, eða sem nemur 60% minni tíma! Þessi skafa mun því verða ansi fljót að borga sig upp. Ég býst við því að ein tappagötun í viðbót komi okkur upp fyrir núllið.
Hér sannast hið fornkveðna: Vinnið af viti, ekki af hörku!
STERF
Skrifað af Bjarni Þór Hannesson
Þriðjudagur, 08 Maí 2012 05:47
Árbók STERF (Scandinavian Turfgrass and Enviroment Research Fund) er komin út. Þar er farið yfir alla þær rannsóknir sem verið er að vinna að og þær sem lokið var á árinu. Þetta er mjög nytsamlegt rit fyrir okkur hér á Ísalndi, þannig að ég mæli með að allir kíkji á þetta. Þið getið fundið bókina með því að smella hér
Ert þú með réttan stjórnbúnað á dælunni?
Skrifað af Bjarni Þór Hannesson
Þriðjudagur, 01 Maí 2012 22:46
Það er alltaf gott að vera með tölvukerfi til að stýra vökvunarkerfispumpum. Kerfið getur þá greint ef það er óvenjulega mikið vatn að fara út af kerfinu, sökum leka á lagnakerfinu, og slökt á pumpunum. Þetta getur komið í veg fyrir verulegt tjón út á velli. gat á aðallögn sem fær að vera óáreitt með dælur á fullu alla nóttina getur skolað verulegu magni af jarðvegi í burtu. Þessi drengir fengu að kinnasta því... gaman hjá þeim!
Wetting Agents (4)
